Путин и Меркел загрижени поради ескалација на тензиите во источна Украина

Од:

Рускиот претседател Владимир Путин и германската канцеларка Ангела Меркел се „загрижени поради ескалација на тензиите“ во источниот дел на Украина, соопшти денеска Кремљ по телефонскиот разговор меѓу двајцата лидери.

Путин инсистирал на одговорност на Киев, „чии провокации се насочени кон намерно влошување на ситуацијата“.

Украина и Западот, меѓутоа, ги обвинуваат проруските сепаратисти и Москва дека предизвикуваат судири и тензии.

Според Кремљ, двајцата лидери повикаа на „воздржаност и активирање на преговарчкиот процес“, додека мировните преговори меѓу Украина и Русија, со француско-германско посредство, заглавиле во ќорсокак.

Последниот самит е одржан во декември 2019 година и оттогаш не е забележан ниту еден конкретен политички напредок, а нови состаноци не се планирани.

Путин и Меркел разговарале и за уапсениот руски опозициски лидер Алексеј Навални, за судирите во Сирија и за ситуацијата во Либија.

Би можело да ве интересира

Русија гради голема нова база на Крим, тврди германски „Шпигел“

Жарко Настоски

Русија никогаш немала повеќе војници на украинската граница, Брисел „длабоко загрижен“

Жарко Настоски

Повеќе од 70 познати личности преку отворено писмо побараа од Путин третман за Навални

Русија го протера украинскиот конзул обвинет за добивање доверливи информации

Курц: Ќе ни биде чест да ја организираме средбата на Бајден и Путин

Русија испрати 15 воени бродови во Црно Море