Рускиот претседател Владимир Путин и германската канцеларка Ангела Меркел синоќа го оценија како позитивно одложувањето на спроведувањето на Договорот за пристапување на Украина во Европската унија до 2016 гдоина, што е договорено на неодамнешниот министерски состанок на Русија, ЕУ и Украина во Брисел, соопшти Кремљ.
Во телефонски разговор на иницијатива на Берлин, Путин и Меркел истакнале дека е потребно понатамошна заедничка работа за утврдување на деталите од договорот.
Путин и Меркел разговарале и за ситуацијата во Украина, нагласувајќи ја потребата од безусловно почитување на примирјето од сите страни во конфликтот, прекин на огнот и следење на примирјето од страна на Организацијата за безбедност и соработка во Европа (ОБСЕ).