Путин и Ердоган разговараа за израелско-палестинскиот конфликт

Од:

Турскиот претседател Реџеп Тајип Ердоган и неговиот руски колега Владимир Путин телефонски разговарале за конфликтот меќу Израел и палестинските сили, но и за испораката на вакцината Спутник В, објавија турските медиуми.

Ердоган истакнал дека Турција остро се спротивставува на израелските напади врз Ерусалим, Појасот Газа, џамијата Ал-Акса и Палестинците, а меѓународната заедница мора да го запре Израел и строго да го предупреди.

Турскиот претседател додал дека е од витално значење интервенцијата на Советот за безбедност на ОН пред тензиите да ескалираат, а Советот мора да даде јасна и одлучна изјава во однос на Израел.

Велејќи дека распоредувањето меѓународни мировни сили за заштита на Палестинците е прашање кое треба да се разгледа, Ердоган изрази верување оти Турција и Русија ќе покажат блиска соработка во ОН во врска со тоа.

Кремљ соопшти дека за време на разговорот претседателите ја потенцирале принципиелната позиција на Русија и Турција за поддршка на решението на двете држави за палестинско-израелскиот конфликт врз основа на општо прифатените меѓународни правни норми, како и посебната улога на „четворката“ на меѓународни медијатори (Русија, ЕУ, ОН, САД) за олеснување на преговарачкиот процес.

Би можело да ве интересира

Путин: Обвинувањата дека Русија ќе ја нападне Европа по Украина се целосна глупост

Путин: Бескрајната река на таленти го прави народот на Русија непобедлив

САД и Германија ги предупредија Израелците да не ја напаѓаат Рафа

Британците првпат со падобрани испорачаа помош во Газа, испратија порака и до Израел

Катерина Ѓуровски

Израел не дозволува конвои со храна да минуваат до северниот дел на Газа

Катерина Ѓуровски

Обраќање на Путин: Ќе плати оној кој застана зад терористите

А1он