Први случаи на вирусот Чикунгуња во Шпанија

Од:

Во Шпанија се регистрирани први случаи на лица инфицирани од вирусот Чикунгуња, што го пренесуваат египетските и азиските тигрести комарци, јави ДПА.

Како што соопштија здравствените власти на шпанскиот регион Валенсија, станува збор за тројца членови на едно семејство по потекло од Исланд, кои биле на одмор во градот Аликанте во источна Шпанија.

Засега не е познато како заболените се инфицирале со овој вирус.

Вирусот ја предизвикува треската Чикунгуња, чии симптоми се слични како оние на грип – висока температура, главоболка и болки по телото. Повеќето од инфицираните лица со овој вирус целосно заздравуваат, а смртните случаи се многу ретки. Сепак, вирусот може да биде опасен за хронично болните, бремените жени и доенчињата. Засега нема вакцина или утврдена терапија против оваа треска.

Според Европскиот центар за превенција и контрола на болести (ЕЦДЦ), вирусот Чикунгуња се среќава во многу земји во Африка и во јужна и југоисточна Азија. На почетокот на овој век вирусот се појави и во Централна и Јужна Америка, а првите случаи во Европа беа регистрирани во 2007 година, прво во Италија, а подоцна и во Франција.

Би можело да ве интересира

Шпанската полиција упадна во Шпанскиот фудбалски сојуз, уапси најмалку шест лица

Горан Наумовски

(ВИДЕО) Петгодишно момче, неговиот татко и баба загинаа во пожар во Шпанија

ВИДЕО: Mоментот кога пожарникарите спасуваат двајца луѓе од запалената зграда во Валенсија

Катерина Ѓуровски

ВИДЕО: Четоврица мртви и 19 исчезнати во страотниот пожар во Валенсија

Катерина Ѓуровски

(ВИДЕО) Најмалку 13 повредени во пожар во станбена зграда во Валенсија

Горан Наумовски

(ВИДЕО) Голем пожар во зграда во Валенсија

Горан Наумовски