Прва реакција на Бакингемската палата по интервјуто на Хари и Меган

Од:

По интервјуто на британскиот принц Хари и неговата сопруга Меган Маркл, кое предизвика лавина од реакции ширум светот, за првпат се огласи и Бакингемската палата.

Кралското семејство во реакцијата се осврна на низата обвинувања кои младата двојка ги изнесе во интервјуто со Опра Винфри, меѓу кои беше и она за расизам кон синот на Хари и Меган.

„Целото семејство е тажно поради тоа што дознавме колкав предизвик биле изминатите години за Хари и Меган. Прашањата кои ги отворија, а посебно она за расизмот, се загрижувачки. На некои настани поинаку се сеќаваме, но сите ги третираме многу сериозно и ќе се занимаваме со нив внатре во семејството. Секогаш ќе ги сакаме Хари, Меган и Арчи,“ пишува во соопштението од Бакингемската палата.

Во контроверзното, досега најискрено интервју на Хари и Меган, двојката која се откажа од правото на британскиот престол, обвини дека неименуван член на кралското семејство се прашувал каква ќе биде бојата на кожата на синот на Хари и Меган, Арчи, пред тој да се роди. Водителката Опра Винфри подоцна појасни дека двојката не мислела на кралицата Елизабета кога го изрекле обвинувањето.

Меган во интервјуто исто така тврдеше дека притисокот ја натерал да помисли на самоубиство, откако побарала помош, но нејзините барања биле игнорирани.

Би можело да ве интересира

Принцот Хари и Меган Маркл вложија во инвестицискиот фонд „Етика“

Ана Ололовска

Меган Маркл троши над 700 евра за нега на кожа

Ана Ололовска

Меган Маркл и принцот Хари пристигнаа во Њујорк облечени во црно

Ана Ололовска

Бакингемската палата со коментар за мемоарите на принцот Хари

Ана Ололовска

Принцот Хари ги пишува своите мемоари

Ана Ололовска

ВИДЕО: Кралицата Елизабета ги угости лидерите на најразвиените земји

Жарко Настоски