Неколку илјади луѓе се собраа денеска во центарот на Лондон и побараа оставка од британската премиерка Тереза Меј.
Демонстрантите изразија незадоволство од коалицијата меѓу Конзервативната партија и Демократската унионистичка партија.
Организатори на протестот се граѓанското движење „Дајте отпор на расизмот“ и пацифистичката коалиција „Прекинете ја војната“, меѓу чии раководители е и лидерот на опозициската Лабуристичка партија, Џереми Корбин. Мнозинството од учесниците во протестот побараа Корбин да ја преземе премиерската функција.