Околу двесте луѓе, претежно новинари, протестираа пред украинскиот парламент во Киев поради предлог законот со кој се криминализира клеветата, јавуваат медиумите.
Демонстрантите, меѓу кои беа уредници на водечките украински медиуми и новинарите, носеа празни бели хартии како знак дека во Украина може биде воведена цензурата.
Предлог-законот за криминализација на клеветата, поддржан од страна на украинскиот претседател Виктор Јанукович, повикува на построги казни за клевета, вклучувајќи затворски казни до пет години и парична казна до 8.500 евра.
Вкупно 244 пратеници од про-владиното мнозинство предлага затворање на луѓе во случај на клевета или намерно ширење на лажни информации, и всушност секој кој критикува. Ова не е закана само за новинарите, блогерите и активистите, туку и на редовните корисници на социјалните мрежи и форуми кои само ја коментираат веста, изјави јавното движење “Стоп за цензурата”.