Пропадна референдумот во Берлин, не излегоа доволно гласачи

Од:

Референдумот за мерките за борба против климатските промени, што се одржа денеска во Берлин, пропадна бидејќи не излегоа доволно гласачи.

По преброените околу 98 отсто од гласовите, поддржувачите на предлогот само малку предничеа пред противниците за ваквата измена на законот, односно 423.000 гласаа за, а околу 405.000 беа против, се вели во соопштението на градската изборна управа.

Сепак, тој резултат исполни само еден услов за успешен предлог. Вториот услов, кворум од најмалку 25 отсто од сите граѓани со право на глас, не беше исполнет, објави АП.

За успешен референдум, за предлогот би биле потребни околу 608.000 гласови. На референдумот се одлучија за мерките со кои се бара Берлин да стане климатски неутрален до 2030 година, што би значело дека за помалку од осум години градот повеќе нема да смее да придонесува за глобалното затоплување.

Постојниот закон одредува рок за постигнување на оваа цел до 2045 година, што е и национална цел на Германија.

Групата од грасрут зад предлогот тврдеше дека сегашната цел на Берлин е неконзистентна со Парискиот климатски договор од 2015 година, кој има за цел да го ограничи глобалното затоплување на 1,5 степени Целзиусови во споредба со прединдустрискиот просек.

Десничарската Христијанско-демократска унија, која победи на неодамнешните локални избори во главниот град и најверојатно ќе ја предводи својата нова влада, се спротивстави на претходната цел.

Би можело да ве интересира

Истрага против возачот на превртениот германски автобус во кој имаше загинати и повредени

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Ученик во Дрезден испуштил солзавец на час, 30 ученици се пренесени во болница

Германското обвинителство покрена истрага за разговорите за напад на мостот на Крим

Скок во приходите и профитот на голем германски производител на оружје