Продолжени анти-дампинг мерките на ЕУ за кинеските велосипеди

Од:

Европската Комисија денеска за пет години ги продолжи рестриктивните мерки за увоз на кинески велосипеди.

Велосипедите кои се увезуваат од Индонезија, Малезија, Шри Ланка, Тунис, Камбодија, Пакистан и Филипини, исто така, се на списокот на анти-дампинг мерките на Европската Комисија, со оглед на тоа дека кинеските производи поминуваат низ овие земји за да стигнат на европскиот пазар, стои во одлуката на Европската Комисија.

Рестриктивните мерки врз кинеските велосипеди во ЕУ се на сила од 1993-та година, и редовно се продолжуваат, додека за земји преку кои тие транзитираат за да бидат извезени во ЕУ, мерките се воведени во последните шест години.

Анти-дампинг мерките предвидуваат царини до 48,5 отсто, прецизира Европската Комисија.

Во јануари оваа година, ЕУ воведи рестрикции и врз електричните велосипеди од Кина, кои се сѐ попопуларни кај европските потрошувачи. Одлуката предизвика загриженост кај кинеските власти кои најавија можен одговор.

Граѓаните во ЕУ купуваат околу осумнаесет милиони велосипеди годишно, 60 отсто од овие се фабрикуваат во Европа, а четири отсто се кинески увоз.

Производството на велосипеди е еден од декларираните индустриски приоритети на владата во Пекинг, отворајќи сомнеж во ЕУ дека земјата ќе продолжи да ги продава за вештачки ниски цени на ЕУ пазарот, што претставува дампинг според дефинициите на ЕК.

Би можело да ве интересира

САД може да ги протераат сите кинески новинари, тврди уредник од Кина

А1он

Евакуација на населението во источна Кина поради тајфунот Хагупит

Ана Ололовска

Трамп ќе преземе мерки против кинеските компании, размислува и за забрана на „Тик Ток“

А1он

Кина испраќа медицински персонал во загрозениот Хонг Конг

А1он

Во Кина 49 новозаразени со коронавирусот

А1он

Фаучи: Се сомневам во руската и кинеската вакцина

А1он