Принцот Хари ѝ оддаде почит на Кралицата: Веќе ни недостигаш многу

Од:

Принцот Хари денеска ѝ оддаде почит на својата баба, кралицата на Обединетото Кралство, Елизабета Втора, која почина минатата недела на 96-годишна возраст. Тој истакна дека го цени времето што го минал со неа и дека ќе го почитува својот татко кој сега е крал.

Хари, кој со неговата сопруга Меган Маркл се повлече од кралските должности во 2020 година, го пофали служењето на кралицата кон народот и емотивно зборуваше за неа како негова баба.

– Бабо, иако оваа конечна разделба нè растажува, вечно сум благодарен за сите наши први средби – од споменот за тебе од моето најрано детство, до првата средба со тебе како мој врховен командант, до првиот пат кога ја запозна мојата драга сопруга и ја прегрна твојата сакана правнука. Ги ценам тие мигови минати со тебе и многу други посебни нешта меѓу нив. Веќе ни недостигаш многу. Не само нам, туку и на целиот свет… Кога станува збор за првите средби, сега го почитуваме татко во неговата нова улога како крал Чарлс Трети, нагласи Хари.

За потсетување, Хари и Меган се отуѓија од кралското семејство, вклучително и неговиот татко, откако се откажаа од кралските должности и беа доста критички насочени кон однесувањето спрема нив во Бакингемската палата.

Извор: МИА

Би можело да ве интересира

Хари и Меган ѝ посакаа побрзо оздравување на принцезата Кетрин

А1он

Меган и Хари сакаат ново презиме за нивните деца

А1он

На принцот Хари му е одземена титулата на Неговото кралско височество

(ВИДЕО) Се огласи постарата жена со која принцот Хари ја загуби невиноста: „Траеше пет минути“

Предраг Петровиќ

Англиското издание на книгата на принцот Хари продадено во над 1,4 милиони примероци

А1он

Принцот Хари: Лага е дека сум убил 25 талибанци

А1он