Приклучувањето кон НАТО не е опција за Австрија

Од:

Австрискиот канцелар Карл Нехамер оцени дека има нов квалитет во соработка меѓу неутралните и неврзаните земји, како Австрија, и НАТО, но и дека членството на Виена во западната воена алијанса не е опција и не треба да се разгледува.

-Австрија е и останува неутрален, но и доверлив партнер во однос на безбедносната политика, изјави Нехамер, кој учествува на Самитот на НАТО во Мадрид.

Тој потсети дека Австрија веќе е активна во мировните мисии на ЕУ со околу 400 војници, како и со 300 во мисиите на НАТО.

Според него, Австрија како неутрална земја може да се солидаризира и да делува како посредник.

Тој ја оцени како нов квалитет во односите поканата од шпанскиот колега Педро Санчез да присуствува на „евроатлантската вечера“, на која, покрај претставници на земјите од НАТО, присуствуваа и неврзаните членки на ЕУ и, како што рече, , можеби пресвртница во соработката.

Тој посочи дека тоа најверојатно е последица на војната во Украина.

-Соработката НАТО-ЕУ е важен дел од одбранбената и безбедносната политика, рече Нехамер.

Генералниот секретар на Партијата на слободата на Австрија (ФПО), Михаел Шнедлиц, учеството на Нехамер на Самитот на НАТО го оцени како погрешен и фатален сигнал.

-Нехамер повторно му штети на нашиот статус на неутрална земја. „Н“ во името на НАТО дефинитивно не се залага за постојана неутралност, нагласи тој.

извор: МИА

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

Србин е уапсен во Австрија за силување жена

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана