Рускиот паравоен началник на Вагнер, Евгениј Пригожин, тврди дека постои можност за „тактички нуклеарен напад“ врз Белгород, каде руските сили моментално се судираат со проукраинските руски бунтовници.
„Се плашам дека можеби имаат некои идеи за фрлање мала нуклеарна бомба на своја територија“, рече Пригожин.
Пригожин веќе неколку пати ги нападна руските власти поради недостиг на муниција и опрема, а сега постави ултиматум.
„На Министерството му даваме рок од две недели да ги ослободи нашите територии во Белгород. Но, ако не успеат или не сме сигурни дека ќе успеат, ќе побарам да ни дозволат да одиме таму, бидејќи во спротивно тие ќе продолжат да го лажат рускиот народ”, рече Пригожин.