При крај се залихите на бензин во Вашингтон

Од:

При крај се залихите на бензин во главниот град на САД и покрај тоа што најголемата гасоводна мрежа во САД продолжи со снабдување по кибер нападот, а владата ги уверува возачите дека ситуацијата наскоро ќе се нормализира, јавија американските медиуми.

Недостигот на бензин во Вашингтон се зголеми од 79 проценти претходниот ден на 87 проценти, соопшти Гасбади (GasBuddy) компанија за следење на пазарот на гориво. Претседателот Џо Бајден ги увери возачите дека состојбата ќе се врати во нормала до крајот на неделава.

„Повеќето држави и реони се местата каде што не запре паничното снабдување со гориво што веројатно е фактор што придонесува за бавно закрепнување (на пазарот)“, изјави Патрик де Хан од „Гасбади“.

Според него, тоа ќе потрае „неколку недели“.

Шестдневното нарушување на работата на Колонијал пајплајн беше поради најсериозниот кибер напад некогаш забележан, и покажа колку е ранлива критична инфраструктура на САД за кибер криминалците.

Во четвртокот вечерта, тие соопштија дека ја продолжуваат работата на целиот свој систем што ги поврзува рафинериите на Мексиканскиот залив со пазарите на источниот брег. Сепак, масовната паника продолжи и по обновувањето на работата гасоводот, и ги остави празни бензински пумпи во југоисточниот дел на САД, дури и да се наоѓаат во области далеку од гасоводот.

Во време кога се повеќе Американци патуваат со автомобил за да ги олеснат анти-епидемиските мерки, цените на бензините на бензинските пумпи достигнаа рекордни нивоа во последните години. Просечната национална цена достигна нешто над 3 американски долари за галон, најголем пораст од октомври 2014 година, соопшти Американската асоцијација за автомобили.

Околу 70 проценти од бензинските пумпи во Северна Каролина се без гориво, а во Вирџинија, Јужна Каролина и Џорџија се околу 50 проценти.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски