Најмалку 19 луѓе загинаа, а деветмина се повредени во синоќешната експлозија во помала болница во северниот дел на главниот град на Иран, Техеран.
Експлозијата, во која загинаа 15 жени и четворица мажи, беше предизвикана од истекување на гас.
Во болницата за време на несреќата имало 25 вработени.
Тоа е втора експлозија во Иран за помалку од една недела. На 26 јуни се случи експлозија, исто така поради истекување на гас, во воена база во близина на Техеран.