Превентивно колење на живина поради птичји грип започнаа околу стотина општини во Франција

Од:

Француските здравствени власти наредија превентивно колење на одгледувана живина во околу стотина општини, главно во Ланд, но исто така и во Атлантските Пиринеи, со цел да се контролира ширењето на птичјиот грип, според декретот објавен денеска во Службен весник. Претходниот декрет, од 23 декември, нареди превентивно колење во 11 општини во Ланд, јави дописникот на МИА.

Во текстот се наведени сто општини, од кои мнозинството се наоѓаат во Ланд и пет во Атлантските Пиринеи.

– Имајќи го предвид ширењето на вирусот одговорен за високо патогениот птичји грип на подвидот Х5Н8 во дивата и одгледувана живина, особено палмипедите, во департманот Ланд и потребата да се спречи ризикот од продолжување на епизоотијата, е наредено превентивно колење со цел да се забрза контролата на епизоотијата, стои во указот.

Текстот ја истакнува особено „големата густина на живинарските фарми во Ланд“.

Овај указ се однесува на „сите сопственици на птици (живина, украсни птици, дивеч и диви животни во заробеништво), ветеринари, лаборатории за анализи, професионалци за живина, „преработка на живина“. Текстот стапува во сила од денеска.

Би можело да ве интересира

Во Франција засилени безбедносни сили пред сите католички и протестантски цркви за време на Велигден

Франција ја подигна безбедноста на највисоко ниво

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца

Франција абортусот го прогласи за уставно право

ВИДЕО: Во Франција горат 900 тони литиумски батерии