Претседателот на Зимбабве повика на „национален дијалог“ по насилните протести

Од:

Претседателот на Зимбабве, Емерсон Mнангагва повика на „национален дијалог” денеска по неколкудневните протести во врска со зголемувањето на цените на горивото во кои има и жртви.

Полицијата тврди дека три лица се загинати во насилните протести во Хараре и Билавај, но невладини организации сметаат дека најмалку десет луѓе се загинати и стотици се приведени. Mнангагва преку Твитер најави дека ќе биде анализирано незаконското однесување на безбедносните сили.

„Насилството и нелегалното однесување на нашите безбедносни сили е неприфатливо и тоа е предавството на новата Зимбабве”, напиша Mнангагва на Твитер во првиот јавен коментар откако се врати дома од официјалното патување во Русија и други поранешни советски земји.

Во државата Mнангагва е обвинет дека наредил исклучување на интернетот за да се спречи јавноста да ја види пресметката на безбедносните сили со демонстрантите.

Се пораширени се стравувањата дека во Зимбабве еден брутален диктатор кој замина од власт по 40 години, само е заменет со друг.

Портпаролот на опозицијата Џејкоб Мафуме вели дека постои итна потреба за дијалог.

Би можело да ве интересира

Протести во Зимбабве: 80 демонстранти приведени, седуммина повредени

ОН: На пет милиони луѓе во Зимбабве им се заканува глад

Циклон „Идаи“: 350 загинати, стотици исчезнати

Ана Ололовска

Најмалку 23 лица заглавени во рудник за злато во Зимбабве

Поради антивладините протести во Зимбабве оневозможен пристап до интернет

Ана Ололовска

Нови антивладини протести во Зимбабве

Ана Ололовска