Претседателот на Чешка повторно со навреди кон новинарите

Од:

Претседателот на Чешка, Милош Земан ниту за време на гласањето за избор на една третина од членовите на Горниот дом на Парламентот, Сенатот и на органите на локалната самоуправалокалните не пропушти да упати навреди кон новинарите.

Тој на новинарка од Чешкото радио и рече да ја затвори устата бидејќи со отворена не изгледа убаво.

Земан прашан од новинарката кој ќе именува во советот на Народна банка на Чешка, тој изјави дека „интелигентен новинар на Чешко радио би го дознал името“.

– И затворете ја устата, не изгледате убаво, додаде Земан.

Чешкиот претседател е во спор со јавниот телевизиски и радио сервис бидејќи пред неколку години пцуеше и користеше вулгарни зборови во програма во живо.

Земан е познат по тоа што ги навредува новинарите. Тој на денешното отворање на изложбата 100 години државност во Прага, по повод стогодишнината од настанувањето на Чешкословачка на новинарско прашање одговори дека веќе го смислил својот епитаф.

– Овде лежи човек кој успеал да ја разбесни секоја будала, истакна Земан на прашањето по што би сакал да остане запомнет во историјата на Чешка.

Би можело да ве интересира

Извештај за безбедноста на новинарите: Продолжуваат заканите, притисоците и ограничувањата врз медиумските работници

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

Повеќе новинари беа убиени во 10 недели војна во Газа отколку за една година во сите други земји

Најмалку 48 новинари загинаа во војната меѓу Израел и Хамас

(ВИДЕО) „Нашата работа е за јавноста, не за пред колегите“: Новинарите на протест пред Граѓански суд

Орце Костов

МВР: Расчистен нападот врз новинарска екипа во Тетово