Претседателката на Молдавија: Граѓаните не сакаат во НАТО

Од:

Мнозинството граѓани на Молдавија се против идејата земјата да се откаже од неутралноста и да влезе во НАТО, изјави денеска претседателката на Молдавија, Маја Санду.

„Народот треба тоа да го сака затоа што тоа подразбира промени на Уставот и тоа треба да се направи преку референдум. Меѓутоа, ако ги погледнеме анкетите на јавното мислење денес, ќе видиме дека нема сериозна поддршка за идејата за напуштање на неутралноста“, изјави Маја Санду во интервју за телевизијата ПРО, пренесе ТАС.

Претседателката на Молдавија изјави дека, покрај Врховниот совет за безбедност, во земјата ќе се формира уште една агенција, која ќе има задача да се бори против манипулацијата со информации и пропагандата.

Говорејќи неодамна на Минхенската безбедносна конференција, Маја Санду побара од членките на НАТО да и помогнат на нејзината земја да се бори против ширењето на информации што го одразуваат рускиот поглед на глобалните настани на социјалните мрежи.

Тогаш молдавскиот парламент усвои закон со кој се дозволува контрола на онлајн пропагандата и дезинформациите.

Анкетите покажуваат дека повеќе од 55 отсто од Молдавците силно се противат на членството на земјата во НАТО, додека 27 отсто ја поддржуваат иницијативата.

Сепак, Маја Санду претходно не ја исклучи можноста Кишињев да ја напушти неутралноста и да влезе во НАТО.

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана

Романскиот претседател Клаус Јоханис ја објави својата кандидатура за шеф на НАТО