Германската полиција вчера изврши претрес во џамија, домови на муслимани и во исламски центри во Нирнберг, Бон и Вајхе под сомнеж за поврзаност со џихадистите во Сирија.
Претресените објекти биле поврзани со осомничени припадници на ултраконзервативното салафистичко движење на возраст од 23 до 36 години, кои планирале напади. Сепак, во операцијата нема уапсени.
– Нема да седиме со скрстени раце и да гледаме како терористите од Исламската држава во Ирак и во Сирија добиваат поддршка од Германија, изјави министерот за внатрешни работи на Баварија, Јоахим Херман.
Повеќе од 400 германски граѓани заминале во Сирија за да се борат на страната на ИД.