Според последните податоци, во светот до сега има 6.766.214 лица заразени со новиот коронавирус.
Од нив починале 395.141, а оздравеле 3.297.027 луѓе.
Во Албанија, во изминатото деноноќие од направените 162 тестирања на сомнителни случаи, позитивен резултат е добиен кај 15 лица, од нив 10 во Тирана.
Вкупната бројка на заразени со Ковид-19 во Албанија се зголеми на 1.212.
Во последните 24 часа во Хрватска не е регистриран ниту еден случај на заразен со коронавирусот, болеста моментално е активна кај 31 лице, соопшти Националниот штаб за цивилна заштита.
Во Африка со коронавирусот се заразени повеќе од 168.000 луѓе, што е околу 6.000 повеќе од вчера.
Од Ковид-19 во Африка досега починале 4.700 луѓе.
Бројот на потврдени случаи на коронавирусот во Русија е зголемен за 8.726 на 449.834 во изминатите 24 часа, соопшти кризниот центар задолжен за сузбивање на вирусот.
Русија по број на заразени е на трето место во светот, после САД и Бразил.
Во Јужноафриканската Република во изминатите 24 часа пријавени се 3.276 нови случаи на коронавирус, што е најголем дневен пораст од почетокот на епидемијата во таа земја.
Во Индија во изминатите 24 часа потврдени се уште 9.851 случај на коронавирусот, што е рекорден број на новозаразени од почетокот на пандемијата, соопшти Министерството за здравство на земјата.
Вкупниот број на заразени достигна 226.770, а бројот на починати 6.348.
Од коронавирусот во Перу починале вкупно 5.031луѓе.
Вкупниот број на заразени со коронавирусот се зголеми на 183.198, што е за 4.284 повеќе од претходниот ден.