На Гренланд, кој е самоуправна територија во состав на Кралството Данска, денеска се одржуваат предвремени парламентарни избори.
Шест политички партии ќе се борат за 31 место во Инатсисартутот (гренландскиот Парламент).
Главните политички сили се владејачката социјалдемократска партија „Сиумут“ и левата опозициска политичка сила „Инуит Атакатигиит“.
Според последните анкети „Сиумут“ ќе освои 36,7 отсто од гласовите, а „Инуит Атакатигиит“ 34,5 проценти.
Предвремените избори се организирани помалку од две години од претходните, а причина е септемврискиот скандал со партискиот лидер на „Сиумут, премиерката на Гренланд Алека Хамонд. Таа беше обвинета дека ги користела државните средства за лични потреби.