Пред новите преговори, Мадрид не сака ни да слушне за референдум за независност на Каталонија

Од:

Владејачките социјалисти во Шпанија никогаш нема да прифатат референдум за самоопределување на Каталонија, што е главното барање од каталонските сепаратисти со кои Мадрид мора да ги продолжи разговорите во септември, изјави денеска премиерот Педро Санчез.

dobivaj vesti na viber

„Нема да има референдум за самоопределување“, рече тој, уверувајќи дека Социјалистичката партија, чијшто генерален секретар е тој, никогаш нема да прифати такви барања.

Со цел да се одржи референдум за самоопределување, „оние кои го сакаат тоа треба да можат да убедат три петтини од овој состав за да го изменат членот 2 од шпанскиот устав. И тогаш Шпанците мора да ја ратификуваат оваа промена на референдум”, нагласи премиерот.

Ваквата реформа е невозможна, бидејќи трите најголеми политички сили во Парламентот (социјалистите, конзервативците од Народната партија и крајната десница на Вокс) се против промената на Уставот.

Педро Санчез ја даде изјавата еден ден по неговата прва официјална средба со новиот каталонски регионален лидер, умерениот сепаратист Пере Арагонес.

По состанокот, каталонскиот политичар објави дека дијалогот меѓу Мадрид и сепаратистите, насочен кон изнаоѓање решение за кризата во регионот, ќе продолжи во третата недела од септември. Главното барање на сепаратистите е да се одржи референдум за самоопределување на богатиот североисточен шпански регион со 7,8 милиони жители.

Би можело да ве интересира

Во Мадрид антивоен протест пред сликата на Пикасо, Герника

А1он

Пожари во Шпанија и Германија, суша во Италија

Ана Ололовска

Шумски пожари и рекордно високи температури во Шпанија

Ана Ололовска

Луѓето од осум села во Шпанија евакуирани поради шумски пожари

А1он

Новиот топлотен бран донесе шумски пожари, кои ја опустошуваат Каталонија

А1он

Судир на воз и локомотива во Шпанија, 22 повредени

Ана Ололовска