Привремена дрвена катедрала би можела да биде поставена пред црквата Нотр Дам во Париз се додека трае обновата на опожарениот објект, соопшти денеска ректорот на катедрала Патрик Шуве.
-Градоначалничката на Париз Ан Идалго се согласи дека градските власти би можеле да изнајмат дел од плоштадот пред катедралата за привремена зграда, изјави Шуве.
Францускиот претседател Емануел Макрон изрази надеж дека обновата на Нотр Дам ќе биде готова за пет години, но дел од експертската јавност цени дека тоа е многу амбициозно.
Францускиот министер за култура Франк Риестер потврди дека е предложена можност за привремена зграда, но дека одлуката сè уште не е донесена.