Познати се двајца кандидати во трката за премиер на Велика Британија

Од:

Претседателката на Долниот дом на британскиот парламент Пени Мордант изјави дека останува во трката за нов лидер на партијата и премиер, а потврдата стигна и од Риши Сунак.

Пени Мордант изјави дека останува во трката да стане нов лидер на Конзервативната партија и премиер иако има помала поддршка од потенцијалните противници.

„Многу сум уверен во напредокот што го правиме. Ви кажувам дека сум во ова за да победам“, изјави Мордант за Би-Би-Си.

Таа, исто така, рече дека извештајот дека разговарала за повлекување со Борис Џонсон во замена за ветувањето за работа е „целосно лажен“.

На 21 октомври Мордант ја објави својата кандидатура за нов премиер на Велика Британија, со што стана првата конзервативна пратеничка која ја објави својата кандидатура за замена на Елизабет Трус.

Ова е втор пат Мордант да се кандидира за премиер на Велика Британија, откако на почетокот на годинава беше меѓу кандидатите за лидер на конзервативците.

Додека поранешниот британски министер за финансии Риши Сунак денеска потврди дека влегува во трката за нов лидер на Конзервативната партија и премиер, по оставката на Лиз Трус.

„Обединетото Кралство е одлична земја, но ние се соочуваме со длабока економска криза. Затоа се кандидирам да бидам лидер на Конзервативната партија и ваш следен премиер“, напиша Сунак на Твитер.

Трус поднесе оставка минатата недела по 45 дена на функцијата, признавајќи дека не можела да ги исполни економските планови за намалување на даноците.

Би можело да ве интересира

Иран воведе нови санкции против ЕУ и Велика Британија

Ана Ололовска

Лами: Не сакаме назад во ЕУ, но повторно ќе се поврземе

Ана Ололовска

Британскиот Врховен суд ја отфрли тужбата на Ујгурите против британската Влада

А1он

Маж и жена од Британија ги изгладнувале децата и ги туширале со врела вода

Ана Ололовска

Илјадници медицински сестри повторно штрајкуваат во Велика Британија

Ана Ололовска

Албарес: Шпанија е блиску до договор со Велика Британија за Гибралтар

Ана Ололовска