Познати адвокати, обвинители, професори – составен тимот на Трамп за импичментот

Од:

Американскиот претседател Доналд Трамп избра правен тим од бранители со звучни имиња, долгогодишни експерти и адвокати, кои ќе го застапуваат во судењето за импичмент од вторник идната недела.

Во тимот се вклучени Кенет Стар, обвинител кој го презентираше случајот за отповикување на поранешниот претседател Бил Клинтон. Потоа, во вторник треба да се појави и Алан Дершовиц, поранешен професор во Харвард, кој ќе дискутира за уставните аргументи во полза на Трамп, обвинет дека ја злоупотребил власта.

Главната улога во одбраната на претседателот ќе ја има Пат Чиполоне, правен советник во Белата куќа, и неговиот личен адвокат Џеј Секулоу, кој беше претставник на Трамп за време на истрагата за руската вмешаност во изборите предводена од специјалниот обвинител Робарт Малер.

Веднаш по синоќешната објава на правниот тим, Дершовиц во изјава за радиото „СириусИксЕМ“ кажа дека неговата улога во процесот е минимална и дека тој треба да се појави само на еден час за да ги прочита уставните аргументи.

-Не сум постојан член на тимот бранители, изјави Дершовиц. Тој е еден од оние правни експерти кои се искажаа против „преупоребата на импичментот“, и „би извел сличен случај и околу импчментот на претседателот Клинтон“.

Останати членови на тимот се Пам Бонди, поранешна државна обвинителка на Флорида, Џејн Раскин, која исто така учествуваше во правниот тим на претседателот во текот на истрагата за Русија, и Роберт Реј, дел од случајот „Вајтвотер“ и истрагата на Клинтонови.

Вториот дел од процесот за импичмент веќе започна. Сенаторите завчера се заколнаа пред Врховниот судија Џон Робертс, тие имаат улога на поротници во Сенатот кој се трансформира во Суд за отповикување на американскиот претседател.

Ако поротнците изгласаат за отповикување, Трамп треба да ја напушти Белата куќа поради направено злосторство.

Претседателот постојано укажува дека не направил ништо незаконско и се жали како бил третиран, и поради тоа понекогаш се дефокусира. Синоќа, во текот на прием на спортисти во неговиот кабинет тој искажа, благо речено, уличарски и непримерен коментар.

-Овалната соба видела добри претседетатели, и не толку добри. Но вие сега имате добар претседетал, иако тие се обидуваат да го отповикаат кучкиниот син. Ви се верува? кажа Трамп.

Во меѓувреме се појавија нови откритија околу случајот со Украина и задржаната помош.

Од Канцеларијата на главната државна ревизија изјавија дека Белата куќа прекршила федерален закон со задржувањето на воената помош за Украина, земја која граничи со сила која е непријателска како кон Киев така и кон Вашингтон.

Би можело да ве интересира

Помпео: САД се понудија да му помогнат на Иран со коронавирусот 

А1он

Си го застрелала внукот сакајќи да направи „селфи“

Ана Ололовска

Повеќе универзитети во САД ги враќаат своите студенти од Италија поради коронавирусот

Ана Ололовска

Пенс назначи национален координатор за борба со коронавирусот

Ана Ололовска

САД: Потврден прв случај на заболен од новиот коронавирус од „непознато“ потекло

Ана Ололовска

Авион принудно слета поради запалување на батерија на мобилен телефон

А1он