Повторно ракетирана воена база во Багдад

Од:

Ракета истрелана од системот Качуша денеска ја погоди ирачката воена база на меѓународниот аеродром во Багдад, каде се сместени американските војници, соопшти ирачката армија.

dobivaj vesti na viber

Тоа е трет напад во изминатите три дена, по двегодишнината од американскиот напад со дрон врз аеродромот во Багдад, при што загинаа иранскиот генерал Касем Сулејмани и заменик командантот на ирачките милииции Абу Махди ал Мухандис.

Во соопштението од американската армија се наведува дека ракетниот лансер со кој е извршен нападот е лоциран во кварт во западен Багдад, од каде милициите поддржани од Иран, го ракетираат аеродромот.

Во понеделникот соборени се два дрона со експлозив, чија цела беше ирачката воена база каде се сместени американски војници во западната ирачка провинција Анбар.

Проиранските шиитски фракции во Ирак ветија одмазда за убиствата и рекоа дека ќе ги запрат нападите кога ќе заврши американското присуство во Ирак.

Коалицијата предводена од САД минатиот месец официјално ја заврши својата мисија за воена поддршка на ирачките сили во борбата против Исламската држава Ирак и Левант. Сепак, речиси 2.500 војници ќе останат во Ирак како воена советодавна мисија која ќе продолжи да им помага на ирачките сили.

Би можело да ве интересира

Седуммина загинати во песочна бура што ги зафати Ирак и Сирија

А1он

Ирак, САД и Франција потпишаа договори за увоз на напредно оружје и зајакнување на артилерија

Ана Ололовска

Над илјада Ирачани завршија во болница поради последици од песочната бура

Ана Ололовска

Група туристи од Ирак исчезнала во Москва

Ана Ололовска

Турција ја прогласи успешна воената операција против ПКК во Ирак

Ана Ололовска

Иран и Саудиска Арабија ги продолжија преговорите во Ирак по неколкумесечна пауза

Ана Ололовска