Повеќе од 60 милиони Американци ја искористија можноста да гласаат предвреме и да го дадат својот глас на претседателските избори во САД.
Според Лабораторијата за гласачки права на Универзитетот во Флорида, пет дена пред официјалниот почеток на изборите, гласале 60,9 милиони гласачи.
Од тој број, нешто повеќе од 32 милиони гласале лично на избирачкото место, а околу 28 милиони гласале по пошта, пишува „Гардијан“.
Освен за претседателските избори, граѓаните на САД ќе гласаат и за Конгресот, а ќе избираат и третина од претставниците во Сенатот.
Американскиот претседател Џо Бајден во понеделникот на 28 октомври предвреме гласаше на претседателските избори. Бајден гласаше во округот во Њу Касл во неговата родна држава Делавер, каде што се одржа предвремено гласање.
Поранешниот американски претседател Доналд Трамп и претходно гласаше на избори по пошта, што е дозволено со законот на сојузната држава Флорида, каде што е регистриран.
Последните анкети на претстојните претседателски избори во САД покажуваат многу неизвесна трка меѓу двајцата кандидати Камала Харис и Доналд Трамп.
Седум дена пред едни од најважните избори во светот, најголемо внимание е насочено кон резултатите во седум нестабилни држави, а првенствено на оние два до три отсто неопределени гласачи чија одлука, според сите проценки, ќе биде одлучувачка за победа во овој моментално рамноправен однос.