Повеќе од 12 милиони деца во Нигерија не одат во училиште поради страв од киднапирање

Од:

Повеќе од 12 милиони деца во Нигерија не одат во училиште поради страв дека ќе бидат киднапирани од милитанти, изјави претседателот Мухамаду Бухари.

– Во моментов, повеќе од 12 милиони деца се ментално трауматизирани и се плашат да одат во училиште, особено девојчињата. Постојаните напади врз образовниот систем, како што се киднапирањата на ученици, зголемениот број милитанти и општата несигурност во училиштата, ја влошија ситуацијата и доведоа до зголемување на бројот на деца кои не одат во училиште, истакна претседателот на конференцијата за безбедност во образованието во главниот град Абуџа.

Тој истакна дека психата на учениците кои биле киднапирани или чии соученици или наставници биле киднапирани е трауматизирана, како резултат на што тие се помалку способни да се концентрираат на учењето и поретко посетуваат настава.

Во последните неколку години во Нигерија не престануваат масовните киднапирања на ученици за откуп. Од декември досега во земјата се киднапирани повеќе од 1.000 ученици.

Би можело да ве интересира

Нигерија ја укина забраната за Твитер по повеќе од половина година

Ана Ололовска

Најмалку 200 луѓе загинаа во напад на милитантни групи во нигериската држава Замфара

Ана Ололовска

Нигериската полиција ослободила 21 киднапиран ученик

А1он

Најмалку девет лица убиени во напад врз џамија во северна Нигерија

Ана Ололовска

Боко Харам го засилува влијанието на запад од Нигерија, заробени шест локални заедници

А1он

Нов биланс: 20 загинати при уривањето на зградата во Нигерија

А1он