Повеќе новинари умираат во Латинска Америка и Карибите отколку во Украина

Од:

Минатата година во Латинска Америка и на Карибите беа убиени повеќе новинари отколку каде било во светот, вклучувајќи ја и украинската воена зона, соопшти Комитетот за заштита на новинарите.

Во извештајот објавен во вторник, се наведува дека на глобално ниво најмалку 67 новинари и медиумски работници биле убиени во 2022 година, што е значително повеќе од претходната 2021 година кога загинаа 45 лица.

Речиси половина од минатогодишните убиства се случија во Латинска Америка и на Карибите, каде беа убиени најмалку 30 новинари, меѓу кои и долгогодишниот соработник на британскиот „Гардијан“ Дом Филипс.

Филипс беше убиен минатиот јуни додека ги собирал и документирал напорите на домородните луѓе да го заштитат бразилскиот дел од дождовната шума во Амазон. Неговите наводни убијци допрва треба да бидат изведени пред лицето на правдата, иако полицијата во понеделникот го именуваше наводниот организатор на злосторството.

„Тоа е неверојатен број на луѓе. Најголем што некогаш сме ја забележале во регионот“, изјави програмскиот директор на Комитетот за заштита на новинарите со седиште во Њујорк, Карлос Мартинез де ла Серна, објави Гардијан.

Во извештајот на Комитетот се вели дека зголемениот број убиства во Латинска Америка и Карибите го одразува „големиот ризик со кој се соочуваат новинарите во регионот кога покриваат теми како што се криминалот, корупцијата, насилството од бандите и животната средина“.

Би можело да ве интересира

Извештај за безбедноста на новинарите: Продолжуваат заканите, притисоците и ограничувањата врз медиумските работници

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

Повеќе новинари беа убиени во 10 недели војна во Газа отколку за една година во сите други земји

Најмалку 48 новинари загинаа во војната меѓу Израел и Хамас

(ВИДЕО) „Нашата работа е за јавноста, не за пред колегите“: Новинарите на протест пред Граѓански суд

Орце Костов

МВР: Расчистен нападот врз новинарска екипа во Тетово