Португалската полиција соопшти дека запленила 2,5 тони кокаин и уапси 11 лица од панамски брод во близина на брегот на Португалија на Атлантикот.
Во заедничка операција на морнарицата и военото воздухопловство уапсени се 11 државјани на европски држави, од кои поголемиот број се од Источна Европа.
Се проценува дека запленетиот кокаин на црниот пазар чини од 100 до 125 милиони евра.
Бродот бил забележан во меѓународни води во јужна Португалија, а се уште не е познато од која јужноамериканска држава тргнал.
Најголемата заплена на кокаин во Португалија беше во 2006 година, кога властите открија осум тони.