Поранешниот либански премиер Саад Харири се повлекува од политичкиот живот

Од:

Поранешниот либански премиер и сунитски лидер, Саад Харири, денеска соопшти дека се повлекува од политичкиот живот и нема да се кандидира на парламентарните избори планирани за мај.

dobivaj vesti na viber

Ваква одлука тој ја донел откако од него се огради Саудиска Арабија, земјата која го поддржуваше овој 51-годишен политичар, и земјата во која семејството Харири се збогати.

Во неговата политичка кариера Саад Харири трипати беше премиер на Либан, а сега е член на парламентот.

Неговиот покоен татко, Рафик Харири, еден од најмоќните и највлијателните политичари во Либан по крајот на граѓанската војна, беше убиен во Бејрут во голема експлозија на камион-бомба во 2005 година.

Трибуналот на ОН 15 години подоцна осуди член на екстремистичката Хезболах за вмешаност во убиството на Рафик Харири. Хезболах ги отфрли обвинувањата.

Саад Харири смета дека Либан нема шанси за позитивна иднина поради зголеменото влијание на Иран во земјата, како и поради внатрешните и секташки поделби и ослабената држава.

Тој призна дека не успеал да ја спречи најтешката либанска економска криза во модерното време, но кажа дека со компромиси направил се што можел за да ја избегне граѓанската војна во Либан, очигледно алудирајќи на формирањето влади во кои е и моќното проиранско движење Хезболах. .

Харири најави дека и членовите на неговата политичка група „Движење за иднината“ нема да учествуваат на следните парламентарни избори, но вети дека ќе продолжи да им помага на оние на кои им е потребна помош.

Саад Харири е најмоќниот сунитски муслимански политичар во Либан од 2005 година, но беше принуден да поднесе оставка како премиер во октомври 2019 година, по големите протести низ земјата против владејачката класа.

Извор: МИА

Би можело да ве интересира

Во 48 земји низ светот иселените Либанци гласаат на парламентарните избори

Ана Ололовска

Избори во Либан: Почнува првото гласање на дијаспората

А1он

Брод со мигранти потона крај брегот на Либан, 48 лица се спасени

Ана Ололовска

Либан нема пари за плати на дипломатите, па бара тие да си најдат донатори

Ана Ололовска

Земјотрес во Израел, Јордан и Либан

Ана Ололовска

Хамас: Експлозијата во бегалскиот камп во Либан е резултат на електричен дефект

Ана Ололовска