Поранешна водителка и новинарка е новата министерка за надворешни работи на Белгија

Од:

По повлекувањето на Софи Вилмес, на функцијата министер за надворешни работи на федералната белгиска влада е назначена поранешната водителка на вести, Хаџа Лабиб, јави дописничката на МИА од Брисел.

Хаџа Лабиб е долгогодишна новинарка, режисерка и водителка на вестите на јавниот сервис на француски јазик, РТБФ. Таа е назначена на местото на Софи Вилмес кака министерка за надворешни работи на Белгија, откако Вилмес се повлече од семејни причини.

Лабиб е познато лице во Белгија како водителка на централниот дневник на вестите на јавниот сервис и на емисија за култура на француско-германската телевизија, Арте. Таа беше дописничка во Авганистан пред да се врати во Белгија и да води вести.

Родена во 1970 година во семејство со потекло од Алжир, Лабиб ќе биде првата жена имигрант на оваа позиција во Белгија.

Таа изјави дека не се чувствува “ниту левичарка, ниту десничарка, туку слободна“, но сепак назначена е од страна на либералната партија МР која е десничарска партија.

На оваа позиција поранешната новинарка ќе биде одговорна за дипломатијата, европските прашања и меѓународната трговија на федерално ниво во Белгија.

Би можело да ве интересира

Белгија протера руски дипломати

Горан Наумовски

Уапсени четири лица во Брисел: Планирале напад на концертната сала

(ВИДЕО) Хаос во Брисел: Земјоделците палат гуми и фрлаат измет кон полицијата

Стотици фармери ги блокираа патиштата околу белгиското пристаниште Антверпен-Бриж

20-метарска елка падна врз луѓе во Белгија, умре жена

Катерина Ѓуровски

Теис: Ако не нападнат, ќе се браниме со камења

Горан Наумовски