Американскиот државен секретар Мајк Помпео од Белорусија допатува во Казахстан каде што имаше средба со премиерот Мухтар Тлеуберди.
По состанокот, Помпео рече дека разговарале за трговијата со луѓе и проблемите на муслиманските Ујгури и Казахи притворени во кинеската провинција Синџијанг.
Едноставно бараме од нив да обезбедат сигурно засолниште и азил на оние кои сакаат да ја напуштат Кина, рече Помпео.
Тој им честиташе на казахстанските власти што ги прифатија борците на таканаречената Исламска држава од Ирак и Сирија и ги повика да продолжат со реформите што ќе привлечат повеќе американски инвестиции.
Помпео рече дека САД ќе му помогнат на Казахстан и да се заштити од коронавирусот.
Во рамки на турнејата по Европа и Централна Азија, Помпео, покрај Казахстан, Белорусија и Украина, ќе го посети и Узбекистан.