Помпео се закани со санкции за секоја продажба на оружје за Иран

Од:

Американскиот државен секретар Мајк Помпео изјави дека продажбите на оружје за Иран ќе ги прекршат резолуциите на ОН и ќе доведат до санкции. Тоа се случува откако Техеран објави дека завршило долгогодишното ембарго на ОН за трговија на оружје со Иран.

– САД се подготвени да го санкционираат секој физички и правен субјект кој значително придонесува за испорака, продажба или трансфер на конвенционално оружје од или до Иран. Секоја земја што се стреми кон мир и стабилност на Блискиот Исток и ја поддржува борбата против тероризмот, мора да се воздржи од каков било договор за вооружување со Иран, се вели во соопштението на Помпео.

Техеран, кој сега може да купува оружје од Русија, Кина и од други места, го поздрави крајот на ембаргото како дипломатска победа над својот непријател, САД, кои се обидоа да одржат неодредено замрзнување на продажбата на оружје.

Претседателот Доналд Трамп ги повлече САД од нуклеарниот договор во 2018 година и започна еднострано да воведува санкции против Иран.

Помпео нагласи дека „во изминатите 10 години, земјите се воздржуваа од продажба на оружје на Иран под различни мерки на ООН. Секоја земја што сега ќе ја прекрши таа забрана, ќе избере многу јасно поттикнување на конфликтот и заканата по мирот и безбедноста“.

Би можело да ве интересира

ВИДЕО: Бајден официјално ги претстави првите луѓе на новата администрација

Жарко Настоски

САД: Над 1.000 починати од Ковид-19, нови 190.000 заразени во изминатиот ден

Жарко Настоски

Њујорк Тајмс: Што правел Трамп од денот на претседателските избори?

Жарко Настоски

Почина Дејвид Динкинс, единствениот црнечки градоначалник на Њујорк

Ана Ололовска

На американските аеродроми над три милиони патници во пресрет на Денот на благодарноста

Ана Ололовска

Шефот за безбедност во Епл обвинет дека со ајпади потмитувал полицајци

Ана Ололовска