Помпео разговараше со шефот на данската дипломатија, еден ден откако Трамп ја откажа посетата на земјата

Од:

Американскиот државен секретар Мајк Помпео разговараше со шефот на данската дипломатија Јепе Кофод и ја пофали американско-данската соработка во областа на безбедноста, само еден ден откако американскиот претседател Доналд Трамп одеднаш ја откажа посетата на Данска заради тоа што ја одбија неговата идеја за купување на Гренланд.

„Секретарот Помпео телефонски разговараше со данскиот министер Кофод во врска со одложувањето на посетата на претседателот Трамп на Данска“, соопшти порпаролката на Стејт департментот Морган Ортагус, пренесуваат британските медиуми.

Во соопштението се додава дека Помпео изразил почит кон соработката со Данска како еден од сојузниците на САД, како и за придонесот на оваа земја во разгледувањето на заедничките глобални приоритети во областа на безбдноста.

Помпео и Кофод, исто така, разговарале за засилување на соработката со Данска, вклучувајќи го Гренланд на Арктикот.

Би можело да ве интересира

САД го омекнуваат ставот за израелските населби

Најмалку тројца убиени во напад во супермаркет во САД

Трамп: Можеби би бил подготвен да сведочам во истрагата за импичмент

САД му се заканија на Египет со санкции за намерата да купи руски ловци „СУ-35“

Северна Кореја не сака бесмислени разговори со САД

Ана Ололовска

Американ ерлајнс ја имала една од најлошите бизнис-мерки во историјата

Ана Ололовска