Поморски маневри на Јужна Кореја и САД по серијата севернокорејски балистички проби

Од:

Јужна Кореја и САД денеска почнаа заеднички поморски вежби, со учество на американски носач на авиони, соопшти јужнокорејската армија. Поморските маневри ќе се одржат во водите во близина на источниот брег на Јужна Кореја денеска и утре, соопшти началникот на Здружениот генералштаб на Јужна Кореја.

Вежбите се одржуваат откако Северна Кореја изврши серија проби на балистички ракети, од кои неколку вчера, а подоцна во текот на денот имаше и летови на борбени авиони на севернокорејската авијација во близина на границата со Јужна Кореја.

„Ќе продолжиме да ги зајакнуваме нашите оперативни способности и подготвеноста да одговориме на какви било севернокорејски провокации преку заеднички вежби со ударната група носач на авиони “Ју-Ес-Ес Роналд Реган’“, соопшти началникот на Здружениот штаб на Јужна Кореја.

Високопоставени одбранбени претставници на Јапонија, Јужна Кореја и на Соединетите Држави разговараа за најновите случувања, осудувајќи ги ракетните проби на Северна Кореја и се согласија дека неодамнешните трилатерални поморски вежби ја подобриле нивната способност да одговорат на Северна Кореја, соопшти јужнокорејското Министерство за одбрана.

Извор: МИА

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски