Полскиот премиер Матеуш Моравјецки денеска изјави дека сака да избегне уште едно воведување блокада во земјата и истакна дека Полска ќе користи нови методи за сузбивање на ширењето на коронавирусот.
Полска ќе ја анализира ситуацијата со коронавирусот и ќе донесе одлуки за мерките во втората половина на август, рече Моравјецки на прес-конференција.
Полска денеска регистрира најголемо дневно зголемување на бројот на новозаразени со коронавирусот од почетокот на епидемијата.
Како што соопшти полското Министерство за здравство на својот профил на Твитер, денеска се регистрирани 615 нови случаи на Ковид-19.
Досега во земјата починале 1.694 луѓе.