Полскиот Парламент го усвои контроверзниот закон за медиуми

Од:

Полскиот парламент усвои закон за медиуми за кој критичарите велат дека е првенствено насочен против телевизискиот канал ТВН24, во сопственост на американскиот медиум Дискавери, што може да доведе до дипломатски спор со САД. Законот, кој не беше на распоредот за гласање, но беше вклучен во последен момент, сега претстои да биде потпишан претседателот Анджеј Дуда.

Пратениците од опозицијата тврдат дека гласањето е одржано надвор од процедурата, и затоа е незаконско и ги крши демократските стандарди. Тие предупредуваат и дека промената на правилата за странска сопственост ќе ја отежне работата на информативниот канал ТВН24 на американската медиумска куќа Дискавери.

Предложениот закон на почетокот на годината предизвика кавга меѓу Полска и САД, а освен од Вашингтон, доби критики и од Европската унија.

Владејачката Конзервативна партија на правото и правдата (ПиС) тврди дека законот има за цел да ги спречи земјите како Русија и Кина да влијаат врз полските медиуми.

Би можело да ве интересира

(ВИДЕО) Тепачка, солзавец и шок бомби: Полициска пресметка со земјоделците во Варшава

Главна цел на измените на Законот за медиуми треба да биде законската регулација на интернет порталите

Полска: Подготвени сме да го браниме НАТО од секаков напад

Тенк прегази двајца војници во Полска: Едниот загина, другиот во критична состојба

Извештај за безбедноста на новинарите: Продолжуваат заканите, притисоците и ограничувањата врз медиумските работници

(ВИДЕО) Два тона ѓубриво фрлени пред домот на рускиот амбасадор во Полска

Горан Наумовски