Портпаролот на полската Католичка црква, Јозеф Клох изјави дека црквата нема да им плати обесштетување на жртвите, кои биле сексуално злоупотребувани од страна на свештеници.
Клох истакна дека за исплата на обесштетување се одговорни сторителите на злосторствата.
Тој со оваа изјава реагираше на барањето за исплата на отштета од 64.000 долари, од страна на еден 25-годишник, кој тврди дека бил секусално злоупотребуван од страна на свештеник. Тој ги тужеше локалните црковни власти и главниот свештеник.
Во Полска досега 27 католички свештеници се осудени поради педофилија.