Полска распореди војска на границата со Белорусија

Од:

Полска распореди стотици војници на границата со Белорусија за да им пружи поддршка на граничарите поради приливот на мигранти кои сакаат да влезат во земјата.

Министерот за одбрана Мариуш Блашчак изјави дека во операцијата се вклучени повеќе од 900 полски војници и додаде дека повеќето мигранти се обидуваат да преминат од Ирак.

Полскиот заменик министер за внатрешни работи доцна синоќа објави твит дека границата со Белорусија е запечатена, а војниците се наоѓаат таму веќе една недела.

Полска, како и Литванија и другите балтички земји, го обвинуваат белорускиот претседател Александар Лукашенко дека испраќа мигранти преку нивните граници, кои воедно се и надворешна граница на Европската унија.

Тие го обвинуваат Лукашенко дека ги користи мигрантите како инструменти во „хибридна војна“ и дека неговата постапка претставува одговор на санкциите на ЕУ воведени против Белорусија по претседателските избори минатата година, за кои Западот сметаше дека се нерегуларни.

Литванија прва се соочи со големиот број мигранти кои се обидуваат да влезат во земјата.

Би можело да ве интересира

Полска: Претреси на неколку локации кои се дел од истрагата за наводна руска шпионажа

Горан Наумовски

Пијан провалил во козметички салон во Полска и заспал, го разбудила полицијата

Добитниците на Нобеловата награда бараат ослободување на политичките затвореници во Белорусија

(ВИДЕО) Тепачка, солзавец и шок бомби: Полициска пресметка со земјоделците во Варшава

Полска: Подготвени сме да го браниме НАТО од секаков напад

Тенк прегази двајца војници во Полска: Едниот загина, другиот во критична состојба