Полска побарала од Ватикан податоци за сексуално злоставување деца од свештеници

Од:

Полската државна Комисија за борба против педофилијата соопшти дека побарала од Ватикан податоци за сексуално злоставување деца од страна на свештеници во Полска, бидејќи полската католичка црква одбила да ги обезбеди бараните информации.

Претседателот на комисијата, Блажеј Кмечак, рече дека околу 30 проценти од случаите на сексуален напад врз лица на возраст под 15 години што ги испитувала комисијата се поврзани со свештенството. Тој додаде дека и покрај писмените барања оваа година до регионалните водачи на Полската католичка црква и другите цркви, само еден епископски суд ги достави своите архиви на Државната комисија за случаи на педофилија.

– Не добивме никакви документи или информации од Полската епископска конференција што би овозможила длабинска анализа на случаите што треба да ги разјасниме, изјави Кмечак на прес-конференција.

Затоа, Комисијата вчера испрати писмо до Ватикан со голем број прашања, вклучувајќи и колку случаи на наводен напад од страна на полски свештеници биле истражени во периодот 2000-2020 година, колку се прогласени за виновни, какви биле казните и колку свештеници се отстранети од црквата.

Би можело да ве интересира

Во Варшава марш во знак на солидарност со мигрантите

А1он

Умерен земјотрес регистриран во југозападна Полска

Ана Ололовска

Полска планира оградата од бодликава жица на границата со Белорусија да ја замени со бариера

Ана Ололовска

Полска ги отфрли обвинувањата дека ги прогонува мигрантите во Белорусија

Ана Ололовска

Европскиот суд го отфрли случајот против Ватикан за сексуална злоупотреба

Ана Ололовска

ВИДЕО: Илјадници Полјаци на улица против „Полегзит“

Катерина Павлова-Николовска