Полска го олеснува товарот на инфлацијата врз домаќинствата со пониски даноци и финансиска помош

Од:

Полска ќе ги намали акцизите за бензинот и ДДВ за гасот и електричната енергија за неколку месеци и ќе им обезбеди на граѓаните парична помош за да го олесни товарот од повисоката инфлација, соопшти денеска полскиот премиер Матеуш Моравјецки.

Инфлацијата мерена со хармонизираниот индекс на потрошувачките цени во најголемата европска економија во развој во октомври се зголеми на 6,4 отсто, според Евростат, оптоварувајќи ги буџетите на домаќинствата и намалувајќи ја нивната куповна моќ.

– Полската влада одлучи да преземе конкретни мерки за … да го ублажи, амортизира ударот на посилната инфлација, рече премиерот на прес-конференција.

Во петмесечниот период, почнувајќи од 20 декември, акцизите за бензинот ќе се спуштат на најниско ниво дозволено со регулативите на ЕУ, најави Моравјецки.

Во првите три месеци од идната година, стапката на ДДВ за гасот ќе се намали од 23 на осум проценти, а стапката на ДДВ за електрична енергија од 23 на пет проценти.

Домаќинствата ќе добијат и финансиска поддршка во форма на посебен додаток, чиј износ ќе зависи од висината на приходите и ќе се плаќа на две рати во 2022 година.

Мерките се во вредност од 10 милијарди злоти (2,4 милијарди долари), информира полскиот премиерот.

Владите во Европа и светот се соочуваат со сличен проблем поради високите цени на енергијата и прекините во синџирот на снабдување предизвикани од пандемијата на Ковид 19 и мерките за борба против неа.

Би можело да ве интересира

Пендаровски и Дуда положија венци на гробот на Гоце Делчев во црквата Св. Спас

А1он

Белоруски медиуми тврдат дека мигрантите ја напуштаат границата меѓу Белорусија и Полска

А1он

Моравјецки: Милиони мигранти ќе дојдат во ЕУ доколку заштитата остане слаба

А1он

Претседателот на Полска утре пристигнува во дводневна посета на земјава

А1он

ВИДЕО: Хаос на полско-белоруската граница, солзавец фрлен на миграните кои ја сечат оградата

Катерина Павлова-Николовска

ВИДЕО: Критично е на белоруско-полската граница, воени хеликоптери ја надлетуваат областа каде што се заглавени мигрантите