Политико: Трамп ја одложи средбата со данската премиерка, откако таа одби да им го продаде Гренланд на САД

Од:

Американскиот претседател Доналд Трамп соопшти дека ја откажува својата средба со данската премиерка Мете Фредериксен, откако скандинавската лидерка јасно порача дека нема да разговара за продажба на Гренланд на САД, пишува европската редакција на Политико.

„Премиерката успеа да заштеди многу трошоци и напори како за САД, така и за Данска, со тоа што беше толку директна“, напиша вчеравечер Трамп на Твитер . „И благодарам за тоа и со нетрпение очекувам некогаш во иднина да се видиме!“

Трамп беше поканет од кралицата Маргрет II да ја посети Данска, како дел од неговата поголема турнеја низ Европа, но портпаролот на Белата куќа за Политико изјави дека Трамп не планира да ја посети земјата, како што беше предвидено.

Трамп во соопштение за време на викендот потврди дека е заинтересиран за купување на Гренланд, но изјави дека тоа не е приоритет за неговата администрација.

„Вол стрит џорнал“ уште во петокот првично соопшти за интересот на Трамп за ваков исход, што доведе до реакции во Вашингтон и гнев во Данска и Гренланд, коментира Политико.

Фредериксен изјави дека е тоа „апсурдно“ и дека премиерката на Гренланд Ким Килсен јасно кажа дека Гренланд не е на продажба.

Би можело да ве интересира

Гренел: САД подготвуваат нови санкции за Северен поток -2

А1он

Песков: Размената на обвинувања помеѓу САД и Кина е невкусна

А1он

Стапи во сила забраната за влез на граѓани од Бразил во САД

А1он

ВИДЕО: По десетнеделен карантин Бајден во посета на меморијалниот споменик

Ана Ололовска

Трамп го одбележа Денот на сеќавањето

А1он

О’Брајан: САД ќе воведат санкции за Кина доколку го примени законот за Хонгконг

Ландов