Политико: Руски хакери осомничени за кибер напад врз Стејт департментот во минатата година

Од:

Руски хакери најверојатно имале незаконски пристап до илјадници електронски пораки од претставници на американскиот Стејт департмент во кибер напад во 2020 година, пишува Политико, повикувајќи се на извори во Конгресот.

Цел на нападот биле пораки на лица од одделот за Европа и Евроазија на Стејт департментот, како и на одделот за Источна Азија и Пацифичкиот регион. Тие два оддела работат со документи поврзани со партнерите во НАТО и САД во Европа, Далечниот исток и Пацификот. Според извори на Политико, ова не значи дека кибер криминалците добиле пристап до класифицирани информации.

Се уште не е јасно дали акциите на хакерите во овој случај биле дел од голем шпионски хакерски напад врз американски владини агенции што го заразиле софтверот на компанијата SolarWinds.

Како одговор на новинарско прашање на таа тема, Стејт Департментот појасни дека се преземаат конзистентни активности за заштита на информациите. Во исто време, институцијата наведува дека од безбедносни причини не можат да коментираат за размерот и природата на кибер нападот во моментот.

Претходно беше соопштено дека 650 милиони американски долари се доделени на Агенцијата за безбедност на интернет и инфраструктура (ЦИСА) за да се заштитат информациите.

Би можело да ве интересира

Бајден се обидува да спречи недостиг на гориво по хакерскиот напад врз „Colonial Pipeline“

Ана Ололовска

Песков: Немаме ништо со кибер нападот врз „Колонијал пајплајн“

Ана Ололовска

Си-Ен-Ен: Можно е хакерите кои го изведоа нападот врз „Колонијал гасовод“ да се поврзани со Русија

Ана Ололовска

САД: Русија е агресор, Киев не ги подгрева тензиите на никаков начин

Жарко Настоски

САД категоричнo негираат каков било обид за атентат на Лукашенко или за државен удар во Белорусија

Бајден номинира пет жени за клучни позиции во Стејт департментот

Жарко Настоски