По земјотресот пристигнува помош во Авганистан

Од:

Европска Унија испраќа помош во Авганистан по разорниот земјотрес, при што загинаа повеќе од илјада луѓе, а најмалку 1.500 се повредени.

dobivaj vesti na viber

Помошта на ЕУ за Авганистан е во висина од еден милион евра, а средствата ќе бидат распоредени од хуманитарни групи активни во земјата, вклучувајќи ги и невладините организации и Обединетите нации.

Генералниот секретар на ОН, Антонио Гутереш истакна дека ОН се „целосно мобилизирани“ во Авганистан.

– Нашите тимови се веќе поставени, ги проценуваат потребите и обезбедуваат првична поддршка, посочи Гутереш.

Во меѓувреме Тајван најави дека ќе донира еден милион долари за Авганистан, но оти нема да испрати спасувачки тимови.

И Кина најави дека ќе пружи помош на Авганистан, но сè уште не објавила детали.

На 22 јуни во источниот дел на Авганистан беше регистриран земјотрес со интензитет од 6,1 степени според Рихтеровата скала. Најпогодена од земјотресот е југоисточната авганистанска покраина Патика.

По земјотресот талибанците побараа помош од меѓународната заедница. Јапонија и Јужна Кореја вчера најавија дека ќе испратат помош во Авганистан.

Портпаролот на талибанците Занихулах Муџахид вчера на Твитер објави дека во загрозената област Пактика од Пакистан пристигнале осум камиони со храна и други артикли, како и два авиона со хуманитарна помош од Иран и од Катар.

Организирање на директна меѓународна помош би било тешко, бидејќи многу земји, вклучително и САД, испраќаат хуманитарна помош преку ОН и други организации за да избегнат испраќање пари на талибанците.

Извор: МИА

Би можело да ве интересира

Најмалку 155 деца загинаа при земјотресот во Авганистан

Ана Ололовска

Се зголемува бројот на жртвите од земјотресот во Авганистан

Ана Ололовска

ОН: Немаме капацитет да му помогнеме на Авганистан

А1он

Хронологија: Најсмртоносни земјотреси во Авганистан во последните две децении

Ана Ололовска

ВИДЕО: Смртниот биланс од катастрофалниот земјотрес се искачи на 950 лица

Ана Ололовска

ВИДЕО: Над 280 загинати и 600 повредени во силниот земјотрес во Авганистан

Ана Ололовска