По протестите, француските власти ретерираат од спорниот член во Законот за безбедност

Од:

Парламентарното мнозинство во францускиот Парламент ќе предложи нова верзија на членот 24 од нацрт-законот за глобална безбедност, што се однесува на забраната за емитување слики и видео материјали од полицајци за време на интервенција.

Токму овој член од нацрт-законот предизвика големо незадоволство кај Французите, критики во медиумите и осуда на организациите за заштита на човековите права и слободи.

-Парламентарното мнозинство ќе предложи членот 24 повторно да биде напишан, бидејќи се уште постојат одредени сомнежи за него, изјави шефот на парламентарната група на владејачката Републиката во движење (ЛРЕМ), Кристоф Кастанер.

Противниците на овој член оценија дека претставува пречка за правото на слободно информирање и побараа негово целосно повлекување од текстот на идниот закон.

Во Франција во саботата се одржаа протести против овој закон.

Би можело да ве интересира

Во Франција засилени безбедносни сили пред сите католички и протестантски цркви за време на Велигден

Франција ја подигна безбедноста на највисоко ниво

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца

Франција абортусот го прогласи за уставно право

ВИДЕО: Во Франција горат 900 тони литиумски батерии