По 17 дена потрага по земјотресот, најдено живо лице во Кина

Од:

Лице кое се водеше како исчезнато 17 дена по земјотресот во кинеската југозападна провинција Сечуан, пронајдено е живо, јавија дел локални медиуми.

dobivaj vesti na viber

Работникот во хидроцентрала Ган Ју се водеше како исчезнат по земјотресот со јачина од 6,8 степени по Рихтер, што го погоди Сечуан на 5 септември. Тој е пронајден жив, но повреден, од страна на локален жител.

Во земјотресот загинаа 93 лица, а стотици се здобија со повреди.

Ган и неговиот колега Луо Јонг на 5 септември останале кај хидроцентралата Вандонг. Тие сакале да им пружат прва помош на повредените колеги и да помогнат да се спречат поплави со испуштање вода од браната.

Двајцата пешки поминале околу 20 километри во планините околу хидроцентралата.

Но, тој бил кратковид и ги изгубил очилата, поради што тешко се снаоѓал на нерамниот терен.

Тие безуспешно се обидувале да испратат сигнал за помош. Луо подоцна сам отишол да бара помош и спасен е на 8 септември, откако со оган им го привлекол вниманието на спасувачите. Ган дотогаш ја напуштил својата локација.

Ган истакнал дека го преживеал 17-дневното искушение пиејќи вода и јадејќи диво овошје.

Тој е однесен во болница, каде лекарите констатирале дека има неколку скршеници.

Извор: МИА

Би можело да ве интересира

Кина испрати вселенско летало со тројца астронаути

Горан Наумовски

Си Џипинг: Кина е подготвена за поцврсто партнерство со Русија

Во невремето во Синџијанг починаа седум лица

А1он

Сунак: Заврши „златната ера“ во односите со Кина

А1он

ВИДЕО: Полицијата ги запира луѓето во Шангај и ги брише фотографиите од протестите од нивните телефони

А1он

(ВИДЕО) Кинеската полиција претепа и уапси новинар на Би-Би-Си