Пјонгјанг: Воениот сојуз меѓу Австралија, Велика Британија и САД е опасен

Од:

Одлуката на САД за пренос на технологија во Австралија за изградба на нуклеарни подморници е исклучително опасен чекор што може да предизвика нуклеарна трка низ целиот свет, се вели во изјава на портпарол на Министерството за надворешни работи на Северна Кореја, објавена од Централната телеграфска агенција на Северна Кореја.

– Тоа е крајно непожелен и опасен чин што ќе ја наруши стратешката рамнотежа во азиско-пацифичкиот регион и ќе иницира трка во нуклеарно вооружување, рече неименуваниот дипломат и додаде дека Пјонгјанг „внимателно ќе ја проучи заднината“ на одлуката на Вашингтон.

Истакнувајќи дека ваквите постапки на администрацијата на претседателот Џо Бајден „го поткопуваат постојниот меѓународен поредок, заканувајќи му се на мирот и стабилноста“, портпаролот на Министерството за надворешни работи нагласи дека во оваа средина, одлуката на раководството на Северна Кореја за зајакнување на одбраната на земјата е единствената исправна.

– Сегашната ситуација уште еднаш покажа дека зајакнувањето на нашите долгорочни одбранбени способности мора да продолжи за да бидеме подготвени за вакви драматични промени во областа на глобалната безбедност, додаде дипломатот.

Би можело да ве интересира

ОН: Северна Кореја изложена на ризик од глад

Ана Ололовска

Ким Џонг-ун: Воено се засилуваме за да се заштитиме од САД

Ана Ололовска

Севернокорејскиот лидер Ким повика на подобрување на условите за живот во неговата земја

Ана Ололовска

Северна Кореја упати закана до СБ на ОН за критиките на нејзината нуклеарна програма

Ана Ололовска

Северна Кореја истрела нова хиперсонична ракета

Ана Ололовска

Северна Кореја лансираше неидентификувани проектили

Ана Ололовска