Претседателот на Независната меѓународна истражна комисија на ОН за Сирија, Пауло Пињеиро вели дека се уште не е можно да се каже кој во судирите во Сирија употребувал хемиско оружје.
Тој не сака да ги коментира доказите кои што им ги доставија САД, Велика Британија и Франција на експертите на ОН, според кои силите на сирискиот претседател Башар ал Асад користеле хемиско оружје, пренесе „Франс прес“.
-Ние не сме во состојба да кажеме кој употребил хемиски средства или оружје, но сме загрижени поради ланецот надзори над супстанците- изјави Пињеиро.
Тимот од експерти кој што го постави светската организација наведе дека им е потребен пристап во Сирија, за да утврдат каде е користено хемиското оружје.
„Франс прес“ подсетува дека сириската влада одбива на експертите на ОН да им обезбеди влез во Сирија.
Елена Георгиевска