Пилот на американски авион скокнал при слетување на носач, повредeни седум морнари

Од:

Вкупно седум припадници на американската морнарица се повредени на носач на авиони откако пилот на борбен авион бил принуден да скокне од леталото поради проблем со слетувањето.

Инцидентот се случил за време на вежба во Јужното Кинеско Море кога американскиот борбен авион F-35 C Lightning II се обидувал да слета на носачот на авиони USS Carl Vinson по рутински лет.

За да се спаси, пилотот морал да скокне од авионот и бил спасен со хеликоптер, но седуммина морнари биле повредени на носачот. Тројца се пренесени во болница на Филипините, но се во стабилна состојба. Останатите четворица морнари се полесно повредени и останале на носачот на авиони.

Морнарицата почна истрага за да се утврдат причините за инцидентот.

Суперносачите USS Carl Vinson и USS Abraham Lincoln изведувале вежба во Јужното Кинеско Море кога се случил инцидентот. Вежбата е спроведена во време на високи тензии меѓу САД и Кина. Официјални претставници на морнарицата рекоа дека вежбите „ја покажуваат способноста на морнарицата да демонстрира голема моќ и да поддржи слободен и отворен Индо-пацифички регион“.

Пекинг има територијални претензии за речиси целото Јужно Кинеско Море и редовно ги означува операциите на Вашингтон како кршење на неговиот суверенитет. Други земји како Виетнам, Малезија, Брунеи и Филипините, исто така, имаат право на острови во спорниот воден пат.

Извор: МИА

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски